ഫിലിമിംങ് തിയറി വിഭാഗത്തില്‍ 2010-ലെ വെന്നീസ് ഡോക്കുമെന്ററി ഫെസ്റ്റിവലില്‍ 'വെന്നീസ് ഹൊറൈസണ്‍ അവാര്‍ഡ്' നേടിയ 'ദ ഫൊര്‍ഗോട്ടണ്‍ സ്‌പേസ്' ഉള്‍പ്പെടെ നോയല്‍ ബര്‍ച്ചിന്റെ ഏഴ് ഡോക്യുമെന്ററികള്‍ മേളയില്‍ പ്രദര്‍ശിപ്പിക്കും. 'കറക്ഷന്‍ പ്ലീസ്', 'ദ ഇയര്‍ ഓഫ് ദ ബോഡീഗാര്‍ഡ്', 'റെഡ് ഹോളിവുഡ്', 'സെന്റിമെന്റല്‍ ജേര്‍ണി', 'ലാ ഫിയാന്‍സി ദു ഡയ്ഞ്ചര്‍'. 'ക്യൂബ എന്റിചിന്‍ എറ്റ് ലൗ', എന്നിവയാണ് മറ്റു പ്രദര്‍ശനചിത്രങ്ങള്‍.
ആഗോള മുതലാളിത്വ വ്യവസ്ഥിതിയെ പ്രക്ഷുബ്ദ്ധമായ കടലിനോട് ഉപമിച്ചിരിക്കുന്ന ഡോക്കുമെന്ററിയാണ് 'ദ ഫൊര്‍ഗോട്ടണ്‍ സ്‌പേസ്'. ആദ്യാന്തം വ്യത്യസ്തതയാര്‍ന്ന ആഖ്യാനശൈലികൊണ്ട് ശ്രദ്ധേയമായ ഈ ഡോക്യുമെന്ററി നോയല്‍ ബര്‍ച്ചും ചരിത്രകാരനും ഫോട്ടോഗ്രാഫറുമായ അലന്‍ സെക്യുലയും ചേര്‍ന്നാണ് സംവിധാനം ചെയ്തത്.
സിനിമാചരിത്രത്തിലെ അഞ്ച് കാലഘട്ടത്തെ ചിത്രീകരിക്കുന്ന 10 സിനിമകളുടെ പശ്ചാത്തലം പ്രതിഫലിപ്പിക്കുകയാണ് 'കറക്ഷന്‍ പ്ലീസ്'. 1912 നവംബര്‍ 18-ന് നടന്ന വോട്ടവകാശത്തിനായുള്ള പോരാട്ടം പ്രമേയമാക്കിയ ഡോക്യു-ഡ്രാമയാണ് 'ദ ഇയര്‍ ഓഫ് ദി ബോഡിഗാര്‍ഡ്'.
പുറത്തിറങ്ങാനിരിക്കുന്ന ഹോളിവുഡ് സിനിമകള്‍ എന്ത് രാഷ്ട്രീയ സ്വാധീനം പ്രകടമാക്കും എന്നു പ്രവചിച്ചുകൊണ്ട് 1990-ല്‍ പുറത്തിറങ്ങിയ ഡോക്കുമെന്ററിയാണ് 'റെഡ്‌ഹോളിവുഡ്'. ഹോളിവുഡിന് നഷ്ടപ്രതാപത്തെ വെളിപ്പെടുത്തുന്ന 'റെഡ് ഹോളിവുഡ്' ലിംഗ-വര്‍ഗ വിവേചനത്തെ ചോദ്യംചെയ്യുന്നു.
ഫ്രാന്‍സിലേക്ക് കുടിയേറിയ നോയല്‍ ബുര്‍ച്ചിന്റെ അമേരിക്കയിലേക്കുള്ള മടങ്ങിവരവിനെ ചിത്രീകരിച്ചിരിക്കുന്ന കഥാകഥന രീതിയിലുള്ള ഡോക്കുമെന്ററിയാണ് 'സെന്റിമെന്റല്‍ ജേര്‍ണി'. 1997-ല്‍ പുറത്തിറങ്ങിയ 'ക്യൂബ എന്റി ചിന്‍ എറ്റ് ലൗ'ഉം 2005-ല്‍ പുറത്തിറങ്ങിയ 'ലാ ഫിയാന്‍സി ദു ഡയ്ഞ്ചര്‍'ഉം ഈ വിഭാഗത്തില്‍ പ്രദര്‍ശിപ്പിക്കുന്നുണ്ട്.
No comments:
Post a Comment